அவயவங்கள் துடித்தாலும்
அடிமனது வலித்தாலும்
எவர்துயரம் கண்டாலும்
எப்படி நீ கரைகின்றாய்
உவர்ப்பான நீர் வடித்து
உணர்ச்சிவசப் படுகின்றாய்
நவமணியாம் கண்மணியே!
நானும் உன்போல் வாழவேண்டும்
எவர்துயரம் கண்டாலும்
என்மனதும் துடிக்க வேண்டும்
அவசியம் ஓர் வரம் வேண்டும்-உன்
அருங்குணத்தை பெற வேண்டும்
இவ்வுலக மக்களெல்லாம்
இவ்வின்பம் நுகர வேண்டும்
எவ்வுயிர்க்கு தீங்கெனினும்-துடிக்க
இதயங்கள் பல வேண்டும்.
- மைதிலி ராமையா.
